Kereja Kus Sintaksis PISMP Semester 2: Pansik Ayat

Kereja kus tu ukai sanding penemu ti engkeman bendar, tang semina rindu post....hehehehe

1.0  Jaku Pemuka

Bepelasarka bup Sintaksis ti ditulis Padang anak Luna enggau Dr. Chemaline anak Osup (2011), ayat iya nya entelian tauka unit ti pemadu tinggi ba tapis jalai jaku lalu bisi mai reti ti rentang sereta menyana. Seleka taukasedijir leka jaku ulih nyadi ayat entelian iya di panyun sereta ditembuka enggau senai lalu ngundan intonasyen ti menyana. Ketebal agi ayat ngembuan subjek enggau predikat. Bansa ayat ulih dibagi ngagai dua bengkah iya nya ayat tunggal enggau ayat turu. Ayat tuggal iya nya ayat ti ngundan semina siti klausa lalu ayat turu tauka ayat komplek iya nya ayat ti ngundan lebih ari siti klausa. Laban penyampau leka jaku dalam ayat nadai ditatak, dia ayat tumbuh deka nyadi ari proses ti ningkil, nganti, ngerembai tauka nusun baru konstituen dalam ayat.

     

Konstituen bepelasarka bup Tatabahasa Dewan Edisi Ketiga ti ditulis sida Nik Safiah Karim et. (2013) iya nya subjek ngagai sesebengkah ayat sekalika ngembuan siti leka jaku tauka lebih leka jaku. Subjek rentang bendar diisi ngena frasa nama tang konsituen predikat diisi ngena empat bengkah leman ti bebida iya nya frasa nama, frasa pengawa, frasa adjektif enggau frasa jaku penempat.

Frasa nitihka penemu anda linguistik iya nya Abdullah Hassan (2008) madahka frasa iya siti elemen ti nyadi sebagi ari ayat. Frasa ulih nyadi ari seleka leka jaku tauka seraban leka jaku ti dipejantilka bepelasarka jalai jaku ti ngembuan reti. Dalam jaku Iban bisi ngembuan empat bansa frasa iya nya frasa nama, frasa pengawa, frasa adjektif enggau frasa jaku penempat. Pola bagi frasa mega bisi empat iti iya nya frasa nama tambah frasa nama (FN + FN), frasa nama tambah faras pengawa (FN + FP), farasa nama tamabh frasa adjektif (FN + FA) enggau frasa nama tambah enggau frasa jaku penempat (FN + FJPt)

2.0 Pansik Ayat

            Artikel ti deka dipansik aku iya nya artikel ti betopikka Iban Majak Bepechah;Kitai Iban Chukup Pemayuh Diau Di Menua Sarawak Lalu Iban Mega Ke Empu Mayuh Menua (Tanah NCR) ti dikarang sereta ditusun Dr. Ambrose Labang Jamba, diambi ari Buletin Kenyalang Isu 50.

Bil.		Ayat		Bansa ayat		Tusun konstituen
1.	Iban semina baka sempama jaku banyak tai badak mayuh tai nyumbuh tang nadai pengering.		Ayat tunggal		Subjek: Iban Predikat: Semina baka sempama jaku banyak tai badak mayuh tai nyumbuh Penerang: tang nadai pengering
2	Nama kebuah kitai Iban jauh tinggal ba pemansang?		Ayat tunggal: Ayat tanya		Subjek: Kitai Iban Predikat: Jauh tinggal ba pemansang
3	Kitai Iban kurang gawa ba Opis Perintah ke megai pengawa ke besai tauka bisi tanggungjawap ke besai-besai.		Ayat turu Ayat 1: Kitai Iban kurang gawa ba Opis Perintah. Ayat 2: Kitai Iban kurang megai pengawa ke besai. Ayat 3: Kitai Iban kurang bisi tanggungjawap ke besai-besai.		Subjek: Kitai Iban Predikat: Kurang gawa ba Opis Perintah Penerang: Ke megai pengawa ke besai tauka bisi tanggungjawap ke besai-besai.
4	Iban mega nadai bisi bangunan ke besai-besai di nengeri.		Ayat tunggal		Subjek: Iban mega Predikat: Nadai bisi bangunan ke besai-besai di nengeri.
5	Ba runding aku, kitai Iban tinggal laban kurang ngembuan pelajar ke tinggi sereta beguna.		Ayat turu Ayat 1: Kitai Iban tinggal laban kurang ngembuan pelajar ke tinggi. Ayat 2:Kitai Iban tinggal laban kurang ngembuan pelajar beguna.		Subjek: Kitai Iban Predikat: Tinggal laban kurang ngembuan pelajar ke tinggi sereta beguna.
6	Kitai Iban agi ngembuan penemu, “Awakka orang mih, kapa nya”.		Ayat Tunggal		Subjek: Kitai Iban Predikat: Agi ngembuan penemu Penerang;  “Awakka orang mih, kapa nya”.
7	Kedua kitai Iban kelalu udu benchika pangan diri, deka nyamah pangan diri (kelalu mangah) lalu agi ngembuan ati sumbung enggau orang bukai (kelalu ego).		Ayat turu Ayat 1: Kitai Iban kelalu udu benchika pangan diri. Ayat 2: Kitai Iban kelalu udu deka nyamah pangan diri. Ayat 3: Kitai Iban kelalu udu agi ngembuan ati sumbung enggau orang bukai		Subjek: Kitai Iban Predikat: Kelalu udu benchika pangan diri, deka nyamah pangan diri (kelalu mangah) lalu agi ngembuan ati sumbung enggau orang bukai (kelalu ego).
8	Bala kitai Iban mega kering amat lebuh belaya charut ketegal antara tanah temuda tang lemi amat ati lebuh nyebut utai lalu kurang pengering lebuh ngetanka hak diri ba mua orang bukai (semina kering krak asi).		Ayat turu Ayat 1: Bala kitai Iban kering amat lebuh belaya charut ketegal antara tanah temuda Ayat 2: Bala kitai Iban lemi amat ati lebuh nyebut utai Ayat 3: Bala kitai Iban kurang pengering lebuh ngetanka hak diri ba mua orang bukai		Subjek: Bala kitai Iban Predikat: Mega kering amat lebuh belaya charut Penerang: Ketegal antara tanah temuda tang lemi amat ati lebuh nyebut utai lalu kurang pengering lebuh ngetanka hak diri ba mua orang bukai (semina kering krak asi).
9	Adat kelalu nunduk nya mih siti pengelemi kitai.		Ayat tunggal		Subjek: Adat Predikat: Kelalu nunduk nya mih siti pengelemi kitai.
10	Ba pengawa politik kitai Iban sigi bisi amat pengerindu.		Ayat tunggal		Subjek: Kitai Iban Predikat: Sigi bisi amat pengerindu ba pengawa politik
11	Dini-dini parti politik dia bisi Iban.		Ayat tunggal		Subjek: Dini-dini Predikat:  Parti politik dia bisi Iban
12	Iban ke diatu di peda enda ulih digempung ari ba siti politik.		Ayat tunggal		Subjek: Iban ke diatu Predikat: Di peda enda ulih digempung ari ba siti politik.
13	Politik kitai Iban mega enda ulih tan lama, ujung-ujung mesti bepechah, nama kebuah?		Ayat turu Ayat 1: Politik kitai Iban enda ulih tan lama Ayat 2: Politik kitai Iban ujung-ujung mesti bepechah.		Subjek: Politik kitai Iban Predikat: Mega enda ulih tan lama, ujung-ujung mesti bepechah, nama kebuah?
14	Kitai Iban baka ke enda ullih begempung ba siti parti politik.		Ayat tunggal		Subjek: Kitai Iban Predikat: Baka ke enda ullih begempung ba siti parti politik.
15 ?	Ari nya bala ketuai politik kitai Iban patut amat berunding panjai lalu ngiga jalai kena ngempung kitai ngambika ulih begulai sejalai enggau pangan diri ba siti parti ngambika ulih kering belama.		Ayat turu Ayat 1: Bala ketuai politik kitai Iban patut amat berunding panjai  ngambika ulih begulai sejalai enggau pangan diri ba siti parti ngambika ulih kering belama Ayat 2: Bala ketuai politik kitai Iban patut ngiga jalai kena ngempung kitai  ngambika ulih begulai sejalai enggau pangan diri ba siti parti ngambika ulih kering belama		Subjek: Bala ketuai politik kitai Iban Predikat: Patut amat berunding panjai lalu ngiga jalai kena ngempung kitai Penerang: Ngambika ulih begulai sejalai enggau pangan diri ba siti parti ngambika ulih kering belama.
16	Ba runding aku, bala ke biak lalu bala ke bisi pemandai diatu patut amat berunding lalu ngiga jalai kena ngempung bansa Iban.		Ayat turu Ayat 1 : Bala ke biak diatu patut amat berunding lalu ngiga jalai kena ngempung bansa Iban. Ayat 2: Bala ke bisi pemandai diatu patut amat berunding lalu ngiga jalai kena ngempung bansa Iban.		Subjek: Bala ke biak lalu bala ke bisi pemandai diatu Predikat:  Patut amat berunding lalu ngiga jalai kena ngempung bansa Iban.
17 ?	Bala ke biak mega anang ninggalka bansa diri tang enggau naka ulih ngiga jalai ngemansangka bansa ngambika ulih maju baka orang bukai.		Ayat turu Ayat 1: Bala ke biak anang ninggalka bansa diri ngambika ulih maju baka orang bukai. Ayat 2: Bala ke biak enggau naka ulih ngiga jalai ngemansangka bansa ngambika ulih maju baka orang bukai.		Subjek: Bala ke biak Predikat: Anang ninggalka bansa diri Penerang 1:  Tang enggau naka ulih ngiga jalai ngemansangka bansa Penerang 2: Ngambika ulih maju baka orang bukai.
18	Taja mayuh bala nembiak diau di nengeri tang sida anang muai adat sereta pementas ati enggau pangan diri.		Ayat turu Ayat 1: Mayuh bala nembiak diau di nengeri tang sida anang muai adat. Ayat 2: Mayuh bala nembiak diau di nengeri tang sida anang muai pementas ati enggau pangan diri.		Subjek: Mayuh bala nembiak Predikat: Di nengeri Penerang:  Anang muai adat sereta pementas ati enggau pangan diri.
19	Kitai arapka nembiak rebak baru diatu enggau naka ulih begulai enggau pangan diri, ngempung adat sereta ngemansangka rayat.		Ayat turu. Ayat 1: Kitai arapka nembiak rebak baru diatu enggau naka ulih begulai enggau pangan diri. Ayat 2: Kitai arapka nembiak rebak baru diatu enggau naka ulih ngempung adat. Ayat 3: Kitai arapka nembiak rebak baru diatu enggau naka ulih ngemansangka rayat.		Subjek:  Kitai Predikat:  Arapka nembiak rebak baru diatu enggau naka ulih begulai enggau pangan diri Penerang: ngempung adat sereta ngemansangka rayat.
20	Kitai mega andar amat ati ke pagila lusa kedudi hari bisi bala nembiak ke chukup betanggungjawap, berani, rurus ati sereta pandai gawa nyadi ketuai politik kitai kena nganti bala ke udah tuai, ngambika ulih ngempung sereta ngemansangka bansa enggau menua.		Ayat turu. Ayat 1: Kitai mega andar amat ati ke pagila lusa kedudi hari bisi bala nembiak ke chukup betanggungjawap nyadi ketuai politik kitai kena nganti bala ke udah tuai. Ayat 2: Kitai mega andar amat ati ke pagila lusa kedudi hari bisi bala nembiak ke chukup betanggungjawap ngambika ulih ngempung bansa enggau menua. Ayat 3: Kitai mega andar amat ati ke pagila lusa kedudi hari bisi bala nembiak ke chukup betanggungjawap ngambika ulih ngemansangka bansa enggau menua. Ayat 4: Kitai mega andar amat ati ke pagila lusa kedudi hari bisi bala nembiak ke chukup berani nyadi ketuai politik kitai kena nganti bala ke udah tuai. Ayat 5: Kitai mega andar amat ati ke pagila lusa kedudi hari bisi bala nembiak ke chukup berani ngambika ulih ngempung bansa enggau menua. Ayat 6: Kitai mega andar amat ati ke pagila lusa kedudi hari bisi bala nembiak ke chukup berani ngambika ulih ngemansangka bansa enggau menua. Ayat 7: Kitai mega andar amat ati ke pagila lusa kedudi hari bisi bala nembiak ke chukup rurus ati nyadi ketuai politik kitai kena nganti bala ke udah tuai. Ayat 8: Kitai mega andar amat ati ke pagila lusa kedudi hari bisi bala nembiak ke chukup rurus ati ngambika ulih ngempung bansa enggau menua. Ayat 9: Kitai mega andar amat ati ke pagila lusa kedudi hari bisi bala nembiak ke chukup rurus ati ngambika ulih ngemansangka bansa enggau menua. Ayat 10: Kitai mega andar amat ati ke pagila lusa kedudi hari bisi bala nembiak ke chukup pandai gawa ngambika ulih ngemansangka bansa enggau menua. Ayat 11: Kitai mega andar amat ati ke pagila lusa kedudi hari bisi bala nembiak ke chukup pandai gawa ngambika ulih ngemansangka bansa enggau menua. Ayat 12: Kitai mega andar amat ati ke pagila lusa kedudi hari bisi bala nembiak ke chukup pandai gawa ngambika ulih ngemansangka bansa enggau menua.		Subjek: Kitai Predikat: Andar amat ati ke pagila lusa kedudi hari bisi bala nembiak ke chukup betanggungjawap, berani, rurus ati sereta pandai gawa nyadi ketuai politik kitai Penerang:  Kena nganti bala ke udah tuai, ngambika ulih ngempung sereta ngemansangka bansa enggau menua.
21	Kitai minta bala nembiak ke bisi pemandai, berani bejaku, pandai gawa, rurus ati sereta angkunka bansa enggau menua ngiring kitai enggau manah ngambika ulih mansang setanding enggau orang bukai.		Ayat Turu Ayat 1: Kitai  minta bala nembiak ke bisi pemandai  ngiring kitai enggau manah ngambika ulih mansang setanding enggau orang bukai. Ayat 2:  Kitai minta bala nembiak ke  berani bejaku  ngiring kitai enggau manah ngambika ulih mansang setanding enggau orang bukai. Ayat 3:  Kitai minta bala nembiak ke   pandai gawa   ngiring kitai enggau manah ngambika ulih mansang setanding enggau orang bukai. Ayat 4:  Kitai minta bala nembiak ke   rurus ati  ngiring kitai enggau manah ngambika ulih mansang setanding enggau orang bukai. Ayat 5:  Kitai minta bala nembiak angkunka bansa enggau menua pandai gawa   ngiring kitai enggau manah ngambika ulih mansang setanding enggau orang bukai.		Subjek:  Kitai Predikat:  Minta bala nembiak ke bisi pemandai, berani bejaku, pandai gawa, rurus ati sereta angkunka bansa enggau menua ngiring kitai enggau manah Penerang:  ngambika ulih mansang setanding enggau orang bukai.
22	Ari nya bala nembiak kitai lelaki tauka indu diatu patut ngayanka diri nyadi ketuai ba parti politik.		Ayat turu. Ayat 1: Bala nembiak kitai lelaki diatu patut ngayanka diri nyadi ketuai ba parti polittik. Ayat 2: Bala nembiak kitai indu diatu patut ngayanka diri nyadi ketuai ba parti polittik.		Subjek: Bala nembiak kitai Predikat: Lelaki tauka indu diatu. Penerang:  patut ngayanka diri nyadi ketuai ba parti politik
23	Nya alai sebedau ujan kitai mesti besedia payung.		Ayat tunggal.		Subjek: Kitai Predikat: Mesti besedia payung sebedau ujan
24	Bala nembiak kitai Iban patut angkat begulai enggau pangan diri lalu berunding ngiga jalai kena negika bansa enggau menua ngambika ulih mansang enggau bala menyadi kitai bukai di menua Malaysia.		Ayat turu Ayat 1:  Bala nembiak kitai Iban patut angkat begulai enggau pangan diri  ngiga jalai kena negika bansa enggau menua ngambika ulih mansang enggau bala menyadi kitai bukai di menua Malaysia. Ayat 2:  Bala nembiak kitai Iban patut berunding ngiga jalai kena negika bansa enggau menua ngambika ulih mansang enggau bala menyadi kitai bukai di menua Malaysia.		Subjek: Bala nembiak kitai Iban Predikat: Patut angkat begulai enggau pangan diri lalu berunding ngiga jalai kena negika bansa enggau menua Penerang: Ngambika ulih mansang enggau bala menyadi kitai bukai di menua Malaysia.
25	Bala NGO (Iban-based NGO) dipinta nulung nyerakup lalu meri sukung kena ngenanka adat enggau main asal kitai Iban baka betabuh, ngajat, bepantun lalu pia mega patut ditandangka di menua luar, pia ku jaku peransang Tan Sri William Mawan Ikom, Minister of Social Development.		Ayat turu. Ayat 1: Bala NGO (Iban-based NGO) dipinta nulung nyerakup lalu meri sukung kena ngenanka adat enggau main asal kitai Iban baka betabuh pia ku jaku peransang Tan Sri William Mawan Ikom, Minister of Social Development. Ayat 2: Bala NGO (Iban-based NGO) dipinta nulung nyerakup lalu meri sukung kena ngenanka adat enggau main asal kitai Iban baka ngajat, pia ku jaku peransang Tan Sri William Mawan Ikom, Minister of Social Development. Ayat 3: Bala NGO (Iban-based NGO) dipinta nulung nyerakup lalu meri sukung kena ngenanka adat enggau main asal kitai Iban baka bepantun pia ku jaku peransang Tan Sri William Mawan Ikom, Minister of Social Development. Ayat 2: Bala NGO (Iban-based NGO) dipinta nulung nyerakup lalu meri sukung kena ngenanka adat enggau main asal kitai Iban lalu patut ditandangka di menua luar pia ku jaku peransang Tan Sri William Mawan Ikom, Minister of Social Development.		Subjek: Bala NGO (Iban-based NGO) Predikat: Dipinta nulung nyerakup lalu meri sukung Penerang: Kena ngenanka adat enggau main asal kitai Iban baka betabuh, ngajat, bepantun lalu pia mega patut ditandangka di menua luar, pia ku jaku peransang Tan Sri William Mawan Ikom, Minister of Social Development.
26	Lalu pia mega kitai mesti begulai sereta besukung enggau pangan diri ba pengawa politik, ekonomi enggau ba pelajar.		Ayat turu. Ayat 1: Kitai mesti begulai sereta besukung enggau pangan diri ba pengawa politik. Ayat 2: Kitai mesti begulai sereta besukung enggau pangan diri ba pengawa ekonomi. Ayat 3: Kitai mesti begulai sereta besukung enggau pangan diri ba pengawa pelajar.		Subjek: Kitai Predikat: Mesti begulai sereta besukung enggau pangan diri ba pengawa politik, ekonomi enggau ba pelajar.
27	Ngembuan ati ke manah enggau pangan diri beguna amat di rumah panjai ngambika ulih begulai enggau diri sebilik, menyadi pia mega enggau bala ke bukai.		Ayat turu. Ayat 1: Ngembuan ati ke manah enggau pangan diri beguna amat di rumah panjai ngambika ulih begulai enggau diri sebilik. Ayat 2: Ngembuan ati ke manah enggau pangan diri beguna amat di rumah panjai ngambika ulih begulai enggau menyadi. Ayat 3: Ngembuan ati ke manah enggau pangan diri beguna amat di rumah panjai ngambika ulih begulai enggau bala ke bukai.		Subjek: Ngembuan ati Predikat:  Ke manah enggau pangan diri beguna amat Penerang:  Di rumah panjai ngambika ulih begulai enggau diri sebilik, menyadi pia mega enggau bala ke bukai.
28	Chara pengidup ke mai pemenchi, kepapas, sumbung sereta enggai besukung pangan diri nya mih ke nyadi rachun bisa ke mai bansa kitai enda ulih begulai lalu enda ulih sama mansang.		Ayat turu. Ayat 1: Chara pengidup ke mai pemenchi nya mih ke nyadi rachun bisa ke mai bansa kitai enda ulih begulai. Ayat 2: Chara pengidup ke mai pemenchi nya mih ke nyadi rachun bisa ke mai bansa kitai enda sama mansang. Ayat 3: Chara pengidup ke mai kepapas nya mih ke nyadi rachun bisa ke mai bansa kitai enda ulih begulai. Ayat 4: Chara pengidup ke mai kepapas nya mih ke nyadi rachun bisa ke mai bansa kitai enda sama mansang. Ayat 5: Chara pengidup ke mai sumbung nya mih ke nyadi rachun bisa ke mai bansa kitai enda ulih begulai. Ayat 6: Chara pengidup ke mai sumbung nya mih ke nyadi rachun bisa ke mai bansa kitai enda sama mansang. Ayat 7: Chara pengidup enggai besukung pangan diri nya mih ke nyadi rachun bisa ke mai bansa kitai enda ulih begulai. Ayat 8: Chara enggai besukung pangan diri ke mai sumbung nya mih ke nyadi rachun bisa ke mai bansa kitai enda sama mansang.		Subjek: Chara pengidup Predikat:  Ke mai pemenchi, kepapas, sumbung sereta enggai besukung pangan diri nya mih ke nyadi rachun bisa Penerang:  ke mai bansa kitai enda ulih begulai lalu enda ulih sama mansang
29	Nama penguntung ngembuan ati benchi, kepapas sereta enggai ngampun pangan?		Ayat turu. Ayat 1: Nama penguntung ngembuan ati benchi? Ayat 2: Nama penguntung ngembuan ati kepapas? Ayat 3: Nama penguntung ngembuan ati enggai ngampun pangan?		Subjek:  Nama penguntung Predikat:  Ngembuan ati benchi, kepapas sereta enggai ngampun pangan
30	Kitai meda diatu, mansang agi menua pandak agi rumah panjai, pintar agi bala ketuai ngasuh enda ulih ba politik.		Ayat turu. Ayat 1: Kitai meda diatu, mansang agi menua pandak agi rumah panjai. Ayat 2: Kitai meda diatu, pintar agi bala ketuai ngasuh enda ulih ba politik.		Subjek: Kitai Predikat: Meda diatu Penerang:  Mansang agi menua pandak agi rumah panjai, pintar agi bala ketuai ngasuh enda ulih ba politik.
31	Nama kebuah?		Ayat tunggal		Subjek: Nama Predikat: Kebuah
32	Ujung-ujung bansa kitai ngembuan sikap, “pa luli lu, saya saya, saya lu lu,(individualisme)”.		Ayat Tunggal		Subjek: Bansa kitai Predikat: Ujung-ujung ngembuan sikap Penerang:  Pa luli lu, saya saya, saya lu lu,(individualisme)”.
33	Kati nya tanda kitai ka mansang nuju Wawasan 2020?		Ayat tunggal		Subjek:  Kati nya Predikat: Tanda kitai ka mansang Penerang:  Nuju Wawasan 2020

           

Artikel ti dipansik aku tu bekenangka bansa Iban senentang gaya pendiau ti dikembuan kemaya hari tu. Artikel tu ngundan 33 iti bansa ayat. Sepengudah dibagi sereta dipansik, artikel tu mayuh agi bekenaka ayat turu iya sepenyampau 20 iti enti dibandingka enggau ayat tunggal sepenyampau 13 iti ayat. Bansa ayat turu mayuh dikena laban lebas artikel ti dipansik aku iya nya lebas media iya lebas ti ngenataika berita ti nyadi ba sesebengkah alai. Bala pengarang ngena lebas tu awakka bala pemacha ulih nemu enggau nyemetak agi senentang berita ti deka dikenataika sida. Kelimpah ari nya, artikel tu mayuh agi dibacha orang ke udah tuai sereta meretika ayat enggau manah enti dibandingka enggau tikas nembiak ti mayuh agi bekenaka ayat tunggal sereta pandak.

Sempama jaku Iban nadai mayuh dikena ba artikel tu iya nya bekenaka siti aja sempama. Semapam nadai mayuh dikena awakka bala pemacha ti macha meretika agi laban nadai mayuh bala Iban diatu nemu bekenaka sempama jaku Iban enggau nemu reti sempama.

Artikel tu mega bisi diselitka enggau jaku bansa bukai baka jaku Melayu enggau jaku Inggeris. Kebuah pia laban bisi sekeda leka jaku ti diinjau nya enda ulih dikalihka ngagai jaku Iban enggau tekalanya laban nangika reti tauka info ti deka dikenataika ngagai mensia mayuh enda datai.

2.2 Pansik Frasa

Bil.	Subjek	Predikat	Penerang
1.	Iban (Frasa Nama)	Semina baka sempama jaku (Frasa Nama)	Banyak tai badak mayuh tai nyumbuh Tang nadai pengering
2	Kitai iban (Frasa Nama)	Jauh tinggal (Frasa Adjektif)	Ba pemansang, Nama kebuah?
3	Kitai iban (Frasa Nama)	Kurang gawa (Frasa Adjektif)	Ba Opis Perintah.
4	Iban mega (Frasa Nama)	Nadai bisi bangunan (Frasa Nama)	Ke besai-besai di nengeri.
5	Kitai Iban (Frasa Nama)	Tinggal laban kurang ngembuan pelajar (Frasa Adjektif)	Ke tinggi.
6	Kitai iban (Frasa Nama)	Agi ngembuan penemu (Frasa Nama)	“Awakka orang mih, kapa nya”.
7	Kitai Iban (Frasa Nama)	Kelalu udu benchika pangan diri (Frasa Adjektif)
8	Bala kitai Iban mega (Frasa Nama)	Kering amat (Frasa Adjektif)	Lebuh belaya charut ketegal antara tanah temuda
9	Adat (Frasa Nama)	Kelalu nunduk nya mih siti pengelemi kitai. (Frasa Pengawa)
10	Kitai Iban (Frasa Nama)	Sigi bisi amat pengerindu (Frasa Adjektif)	Ba Pengawa politik
11	Dini-dini (Frasa Nama)	Parti politik dia bisi Iban (Frasa Nama)
12	Iban (Frasa Nama)	Di peda enda ulih digempung ari ba siti politik (Frasa Nama)
13	Politik kitai Iban mega (Frasa Nama)	Enda ulih tan lama (Frasa Adjektif)	Ujung-ujung mesti bepechah
14	Kitai Iban (Frasa Nama)	Baka ke enda ulih begempung (Frasa Pengawa)	Ba siti parti politik.
15 ?	Bala ketuai politik kitai Iban (Frasa Nama)	Patut amat berunding panjai (Frasa Pengawa)	Lalu ngiga jalai kena ngempung kitai ngambika ulih begulai sejalai enggau pangan diri ba siti parti ngambika ulih kering belama
16	Bala ke biak (Frasa Nama)	Diatu patut amat berunding (Frasa Pengawa)	Lalu ngiga jalai kena ngempung bansa Iban.
17	Bala ke biak mega (Frasa Nama)	Anang ninggalka bansa diri (Frasa Pengawa)	Ngambika ulih maju baka orang bukai.
18	Mayuh bala nembiak (Frasa Nama)	Diau di nengeri (Frasa Pengawa)	Tang sida anang muai adat.
19	Kitai (Frasa Nama)	Arapka nembiak rebak baru diatu (Frasa Pengawa)	Enggau naka ulih begulai enggau pangan diri
20	Kitai mega (Frasa Nama)	Andar amat ati (Frasa Pengawa)	Ke pagila lusa kedudi hari bisi bala nembiak ke chukup betanggungjawap, berani, rurus ati sereta pandai gawa.
21	Kitai (Frasa Nama)	Minta bala nembiak (Frasa Pengawa)	Ke bisi pemandai Ngiring kitai enggau manah
22	Bala nembiak kitai diatu (Frasa Nama)	Lelaki tauka indu (Frasa Nama)	Patut ngayanka diri nyadi ketuai ba parti politik.
23	Kitai (Frasa Nama)	Mesti besedia payung (Frasa Pengawa)	Sebedau ujan
24	Bala nembiak kitai Iban (Frasa Nama)	Patut angkat begulai enggau pangan diri (Frasa Adjektif)	Lalu berunding ngiga jalai kena negika bansa enggau menua.
25	Bala NGO (Iban-based NGO) (Frasa Nama)	Dipinta nulung nyerakup (Frasa Pengawa)	Lalu meri sukung kena ngenanka adat enggau main asal kitai Iban lalu patut ditandangka di menua luar pia ku jaku peransang Tan Sri William Mawan Ikom, Minister of Social Development.
26	Kitai (Frasa Nama)	Mesti begulai (Frasa Pengawa)	Sereta besukung enggau pangan diri ba Pengawa politik.
27	Ngembuan ati (Frasa Nama)	Ke manah enggau pangan diri beguna amat (Frasa Adjektif)	Di rumah panjai ngambika ulih begulai enggau diri sebilik.
28	Chara pengidup (Frasa Nama)	Ke mai pemenchi (Frasa Adjektif)	Mih ke nyadi rachun bisa ke mai bansa kitai enda ulih begulai
29	Nama (Frasa Nama)	Penguntung ngembuan ati benchi (Frasa Adjektif)
30	Kitai (Frasa Nama)	Meda diatu (Frasa Pengawa)	Mansang agi menua pandak agi rumah panjai.
31	Nama (Frasa Nama)	Kebuah (Frasa Nama)	Subjek: Predikat:
32	Bansa kitai (Frasa Nama)	Ngembuan sikap (Frasa Pengawa)	“Pa luli lu, saya saya, saya lu lu,(individualisme)”.
33	Kati nya (Frasa Nama)	Tanda kitai ka mansang (Frasa Nama)	Nuju Wawasan 2020?

Bepelasarka artikel ti dipansik, frasa ti mayuh dikena iya nya frasa nama nyadika subjek enggau frasa pengawa nyadika predikat ti sepenyamapu 14 iti. Kebuah pia laban artikel tu nerangka ulah sereta daya idup Iban kemaya hari tu.

Lalu frasa nama disempulang enggau farsa jaku penempat nadai dikena dalam artikel tu. kebuhah pia laban artikel tu lebih betukuhka nerangka sesebangkah pekara ti bebatangka pengawa.

3.0 Refleksyen

Keterubah iya aku berasai lantang ati laban udah mujur ngaga kereja kus Sintaksis ti diberi pengelicha Corella. Taja pia, mayuh macham tuga ti nanggul aku lebuh ti begagaka kereja kus tu. Berindik ari mayuh penanggul nya, aku berasai lebih agi nemu agi senentang beberapa pekara kelebih agi senentang ayat.

Penanggul ti keterubah ti ditapi aku lebuh ti begagaka kereja kus tu iya nya tusut runding lebuh ti begigaka artikel ti nyadika pansik dalam kereja kus tu. Beberapa iti artikel ti udah digiga aku sekalika nya diambi ari surat khabar, internet, majalah, jurnal enggau mega bup teks. Kebuah aku begigaka mayuh artikel laban aku enggaika beberapa iti artikel ti dipilih aku  bisi enda nemban. Aku mega macha dulu semua artikel ti diambi aku nya  awakka ayat ti bisi dalam artikel nya ngembuan mayuh bengkah bansa ayat lalu aku ulih bejuraika ayat nya enggau lenak agi. Aku mega milih artikel ti nadai ngembuan elemen ti enda manah tauka negatif lalu aku lebih milih artikel ti nuju ngagai pekara ti positif.

Sepengudah aku tembu milih artikel ti nemban dikena nyadika pansik, aku berengkah macha enggau silik agi dikena aku ngiga bansa ayat ti bisi dalam artikel ti dipilih aku. Laban mayuh bengkah bansa ayat ti bisi dalam artikel ti dipilih aku, aku macha ari siti ayat ngagai siti ayat lalu nisih bansa ayat. Penanggul ti ditapi aku lebuh ba proses tu iya nya, bisi beberapa bengkah ayat enda ulih ditemu aku bansa ayat nya lalu aku nanya bala kaban ti bukai sekalika sida ulih mantu aku mutarka penanggul aku. Ari nya, aku ulih bekolaborasyen enggau kaban ti bukai kelimpah ari ngerapatka kaul antara kami semua.

ayat ti dikena dalam artikel tu mega mayuh panjai sereta leman leka jaku. Ari nya bisi saru mimit senetang nentuka ni bagi subjek enggau predikat. Dikena ngelala subjek enggau predikat sebagi ayat ti udah ditunsangka, dia aku nunsangka baru ayat nya awakka tusun konstituen dalam ayat nya nyenganda agi dipeda sereta ditisih.

Kelimpah ari nya, ngelala subjek enggau predikat dalam sesebengkah ayat mega siti penanggul ti ditapi aku. Bisi sekeda subjek ti bisi dalam artikel aku datai ari leka jaku pengawa, adjektif tauka penempat laban kitai sama bela nemu, subjek mesti bepun ari jaku nama. Aku nanya pengelicha senentang pekara tu kelimpah ari bala pangan ti nerangka konsep subjek enggau nyemetak agi.

Lebuh ti begagaka tanya kereja dua, penanggul ti ditapi aku iya nya aku saru lebuh ti begigaka bansa frasa ba ayat sekalika frasa nama, frasa adjektif, frasa pengawa tauka frasa jaku penempat ba predikat. Dikena mutarka penanggul tu aku, aku bekenaka Bup Sereba Reti Jaku Iban nyadika malin aku. Aku mega betanya ngagai bala pangan lalu sida meri penerang ti ngeringka agi penemu senentang frasa.

Bibliografi

Abdullah Hassan, 1980. Linguistik Am untuk Guru Bahasa Melayu. Kuala Lumpur. Fajar

Bakti.

Abdullah Hassan & Ainon Mohamad, 1995. Bahasa Melayu STPM Kertas 1 & 2. Shah Alam

Fajar Bakti.

Nik Safiah Karim Et. Al. 2013. Tatabahasa Dewan Edisi Ketiga. Kuala Lumpur. Dewan

Bahasa Dan Pustaka.

Padang Anak Luna & Dr Shemaline Anak Usop. 2011. Sintaksis Jaku Iban. Tanjong Malim.

Emeritus Publication

Buletin Kenyalang Isu 50.